Þú vilt ekki missa af þessu | DILL, Sæmundi í sparifötunum, Hverfisgötu 12 og Henne Kirkeby Kro sameinast í eitt kvöld

Föstudaginn 3. júní munu veitingastaðirnir Sæmundur í sparifötunum á KEX, Hverfisgata 12 og DILL Restaurant slá saman í eitt heljarinnar GRILL SAMSÆTI í Vitagarði, bakgarði KEX Hostel.  Með veitingarstöðunum þrem í liði verður enginn annar en Mads Batterfeld sem er góðvinur DILL, gangandi viskubrunnur um eldun á eldi og ríkjandi Danmerkurmeistari í svínakjötseldun.

Mads starfar sem sous chef á fyrrum vinnustað Ragnars Eiríkssonar yfirmatreiðslumeistara á DILL, Henne Kirkeby Kro.  Yfirkokkur á  Henne Kirkeby Kro er stjörnukokkurinn Paul Cunningham og hlaut staðurinn á dögunum eina verðskuldaða Michelin-stjörnu.

Eldamennskan mun fara fram að fornum (heiðnum) sið, þ.e. yfir opnum eldi.  Kokkarnir frá veitingastöðunum fjórum munu elda lamb, grís, naut, skötusel og lúðu í heilu lagi.  Fá sæti eru í boði og verður fyrirkomulagið „All You Can Eat“.

Á boðstólum verða einnig lífræn og náttúruleg vín og handverksbjór í topp klassa.

https://www.instagram.com/p/BDnTVkLIUFM/

https://www.instagram.com/p/BFypt9arJ79/