Svona líta réttirnir út á nýja veitingastaðnum Níu

Níu er nýr veitingastaður í Reykjavík og er staðsettur á Hótel Íslandi í Ármúla 9.

Níu er hluti af Heilsumiðstöðinni en þar starfa nokkur heilsufyrirtæki saman að því að efla heilsu skjólstæðinga sinna og veita góða þjónustu og heildrænar heilsulausnir.

Á heimasíðu Níu segir:

„Heilsan þín skiptir okkur máli og við vitum að góð næring er grunnur að betri líðan. Þess vegna eldum við allt frá grunni úr hágæða hráefni. Við leggjum áherslu á prótein- og trefjaríka rétti, notum einungis fitu sem er góð fyrir þig og það hvarflar ekki að okkur að nota sykur, litarefni eða bragðefni.“

Opið er frá 11-23 alla daga og að myndunum að dæma þá er notalegt umhverfi í veitingasalnum, góðir básar og stílhreint.  Réttirnir líta virkilega vel út og girnilegir að sjá.

Myndir: facebook / Níu restaurant & bar