Sushi Corner kveður eftir átta ár á Akureyri

Gestir á Sushi Corner gátu valið sér sushi beint af færibandi sem rann hringinn um salinn.

Eftir átta ára starfsemi hefur Sushi Corner á Akureyri lokið göngu sinni. Staðurinn opnaði þann 5. apríl 2017 við Kaupvangsstræti 1 og hefur allt frá upphafi boðið upp á ferskt, fljótlegt og bragðgott sushi fyrir bæði heimamenn og gesti sem sóttu miðbæinn.

Sushi Corner naut mikilla vinsælda sem hluti af ört vaxandi veitingalífi Akureyrar og varð fljótt fastur liður hjá þeim sem vildu grípa með sér hágæða sushi á ferðinni eða setjast niður í afslöppuðu umhverfi.

Það eru K6 veitingar sem hafa haldið utan um reksturinn, en fyrirtækið rekur einnig þrjá aðra veitingastaði í hjarta Akureyrar, RUB23, Bautann og Pizzu smiðjuna. Þannig heldur fyrirtækið áfram að styrkja stöðu sína í veitingalífinu þrátt fyrir lokun Sushi Corner.

Með lokun staðarins lýkur kafla í sushisögu Akureyrar, en margir gestir munu án efa minnast vel þeirra ára sem Sushi Corner bauð upp á fjölbreytt úrval nigiri, maki og sashimi í miðborginni.

Myndir: facebook / Sushi corner