Stefnir á að opna nýjan veitingastað fyrir jól

Skelfiskmarkaðurinn var áður til húsa við Klapparstíg

„Ef þetta tekst erum við að vonast til að ná traffíkinni um jólin,“

segir Pálmar Harðarson, eigandi og framkvæmdastjóri verktakafyrirtækisins Þingvangs í samtali við Morgunblaðið.

Vísar hann í máli sínu til nýbyggingarinnar við Klapparstíg þar sem Skelfiskmarkaðurinn var áður til húsa. Að hans sögn hafa viðræður við nokkra aðila runnið út í sandinn. Vonir standa þó til að gengið verði frá samningum við nýjan rekstraraðila á næstunni, en aðspurður segist Pálmar ekki vilja gefa upp um hvern ræðir.

„Þessir aðilar sem áður voru í viðræðum eru dottnir út. Við erum núna í viðræðum við aðila sem lítið er hægt að segja um áður en eitthvað verður úr því,“

segir Pálmar og bætir við að lögð sé áhersla á að fá inn vana rekstraraðila. Þar skipti ekki öllu hvort viðkomandi hafi áður staðið í veitingarekstri.

„Hann er ekki með veitingastaði í rekstri en er hins vegar með rekstur sem tengist þessu aðeins. Við höfum viljað fá inn rekstrarmenn sem ætla sér að vera á gólfinu,“

segir Pálmar í Morgunblaðinu í dag.

Mynd: facebook / Skelfiskmarkaðurinn