Sindri Guðbrandur hóf keppni í Bocuse d´Or í morgun – Bein útsending

Hinrik Örn Halldórsson og Sindri Guðbrandur Sigurðsson
Mynd: Þráinn Freyr Vígfússon

Sindri Guðbrandur Sigurðsson hóf keppni í morgun í Bocuse d’Or í Lyon í Frakklandi, en keppnin fer fram dagana 26. og 27. janúar 2025.

Aðstoðarmaður Sindra er Hinrik Örn Halldórsson og þjálfari þeirra er Sigurjón Bragi Geirsson.

Sindri Guðbrandur Sigurðsson rétt fyrir keppni í morgun.
Mynd: Bocusedor.com

Hægt er að horfa á beina útsendingu frá keppninni með því að smella hér.

Tuttugu og fjórar þjóðir keppa í Lyon eftir að hafa unnið til þess í forkeppni í sinni heimsálfu.

Sindri vann keppnina Kokkur Ársins 2023 á Íslandi. Sindri náði 8.sæti í Bocuse d´Or Europe í Þrándheimi í Mars 2024. Undirbúningur hefur staðið yfir mánuðum saman og tæpt tonn af eldhúsáhöldum og tækjum var verið sent til Lyon .

Sindri var sjötti keppandinn í eldhúsið í morgun kl.09:00 að staðartíma. Verkefnið er humar, barri, sellerí og sellerírót á silfur fat og svo kynnt fyrir dómurum á disk og kjötfat þar sem aðal hráefnið er dádýr, andalifur og ávaxta meðlæti.

Fiskréttur verður síðan borin á borð fyrir dómnefndina kl. 13:40 og kjötrétturinn kl. 14:30 á íslenskum tíma.

Hvert þátttöku land á fulltrúa í dómarateymi Bocuse d´Or og dæmir Þráinn Freyr Vigfússon fyrir hönd Bocuse d´Or akademíunnar á Íslandi.

F.v. Þráinn Freyr Vigfússon, Hinrik Örn Halldórsson, Sindri Guðbrandur Sigurðsson og Sigurjón Bragi Geirsson

Íslenska liðið í heild sinni

Bocuse d´Or kandítat: Sindri Guðbrandur Sigurðsson

Aðstoðarmaður Sigurjóns er: Hinrik Örn Halldórsson

Aðstoðarmenn:
Sindri Hrafn Rúnarsson
Símon Kristjánsson Sullca
Hákon Orri Stefánsson

Þjálfari: Sigurjón Bragi Geirsson

Dómari í Lyon fyrir hönd Íslands: Þráinn Freyr Vigfússon

Fleiri Bocuse d´Or fréttir hér.

Veitingageirinn.is verður á fréttavaktinni og fylgist vel með og færir ykkur fréttir í máli og myndum af Bocuse d´Or keppninni.