Sigurvegarar úr forkeppni Norrænu nemakeppninnar 2019

Keppendur í forkeppni Norrænu nemakeppninnar

Forkeppni Norrænu nemakeppnina í matreiðslu og framreiðslu fór fram í Hótel – og matvælaskólanum í gær miðvikudagunn 9. janúar. Samtals tóku sjö matreiðslunemar og átta framreiðslunemar þátt í lokakeppninni.

Verkefni matreiðslunemanna var:
Matreiða forrétt fyrir sex manns – hráefnið var bleikja, aspas og hollandaise sósa. Bleikjan var í heilu u.þ.b 1,2 til 1,5 kg. Keppendur flökuðu fiskinn á staðnum – öll vinna var á staðnum.
Eftirréttur fyrir sex manns – hluti af eftirréttinum var Baba au Rhum sem átti að vera ekki minna en 35% af heildarstærð réttarins. Einnig átti að nota hindber og hvítt súkkulaði. Heimilt var að koma með deig.

Verkefni framreiðslunemanna var:
Bar, blanda skal tvo drykki fyrir gesti (annan óáfengann), dregið er hvaða drykki skal blanda
Kvöldverðaruppdekkning fyrir 6 rétti fyrir fjóra gesto. Matseðill: Forréttur, seyði, fiskréttur, aðalrétur, ostar og efitirréttur. Vín – sherry, hvítvín, rauðvín og eftirréttavín
Sérvettubrot
Eldsteiking
Fyrirskurður

Úrslit

Frá vinstri til hægri: Gabríel Kristinn Bjarnason, Wiktor Pálsson, Guðjón Baldur Baldursson og Fanney Rún Ágústdóttir.

Í matreiðslu voru hlutskarpastir þeir Gabríel Kristinn Bjarnason nemi á Radisson SAS, Hótel Sögu, meistari er Ólafur Helgi Kristjánsson og Wiktor Pálsson nemi á Radisson SAS, Hótel Sögu, meistari er Sigurður Helgason.

Í framreiðslu voru efst Fanney Rún Ágúsdóttir nemi á Blá lóninu, meistari Styrmir Örn Arnarson og Guðjón Baldur Baldursson nemi VOX, Hilton Nordica meistri er Ólöf Kristín Guðjónsdóttir.

Þessi fjögur koma til með að taka þátt í Norrænu nemakeppninni sem verður haldin í Stokkhólmi dagana 26- 27 apríl næstkomandi.

Myndir: Ólafur Jónsson, Sviðsstjóri matvæla- og veitingasviðs – www.idan.is