Safnahelgi á Suðurlandi 7. – 9. nóvember 2008

Þetta var í fyrsta sinn sem Safnahelgin var haldin með þessum formerkjum, en undanfarin 4 ár hafði verið haldinn safnadagur í Vestmannaeyjum.

Núverandi skipuleggjendur voru Safnaklasi Suðurlands og Matarkista Suðurlands og tóku þátt um 100 aðilar í verkefninu frá Kambabrún að Kirkjubæjarklaustri og verður fjallað hér um þessa helgi frá sjónarmiði Matarkistunnar ( www.sofnasudurland.is ).

Allt hófst þetta fimmtudaginn 6 Nóvember með setningar athöfn í Veiðisafninu á Stokkseyri  (www.hunting.is ), sem útaf fyrir sig er stórfengleg ásjón og hvet ég menn að bregða undir sig betri fætinum og heimsækja safnið, ég get nánast lofað að það kemur á óvart. Ýmsir tóku til máls en að lokum var það Friðrik Pálsson á Hótel Rangá
( www.hotelranga.is ) sem setti hátíðina og bauð í veitingar sem þeir Bjarki Hilmarsson á Hótel Geysi ( www.geysircenter.com ) og  Pétur Andrésson á Rauða Húsinu ( www.raudahusid.is ) höfðu útbúið í tilefni dagsins og eins og sést á myndunum sem fylgja með var fjölbreytni í fyrirrúmi og allt hráefni úr héraði.

Mátti þar sjá Saltkjöt og baunir í terrinu, Saltfiskbrandade, Humar á spjóti, plokkfiskur á hverabrauðs randalínu, reyktur lax á brauði, ábrestir með rabbabarakaramellu, íslensk Parmaskinka, reykt gæsarúlla, kartöflukaka, tómatseyði, panna cotta með islenskum jarðaberjum og gerfifiskur með kartöflusmælki, en uppskrift að þessum rétti fann Bjarki í bók sem heitir 100 réttir matar eftir Guðmundu Nilsen og kom út árið 1929, en þar segir um gerfifisk, takið eggjahvítur sláið út, setjið í form og bakið, kælið, skerið í bita, velt upp úr hveiti, eggi og raspi og pönnusteikt og það get ég sagt ykkur að margur myndi falla fyrir þessu og dásama fiskinn, prófið bara sjálfir.

Myndir og texti: Sverrir