Sætar Syndir flytur – „…öll hráefni og launakostnaður búið að hækka gríðarlega…“

Kökubúð Sætra Synda er flutt aftur í Hlíðasmára 19 þar sem framleiðslan er staðsett, en kökubúðin og kampavínskaffihúsið Sætra Synda opnuðu í Smáralindinni árið 2020 þar sem hægt var að setjast niður og gæða sér á kaffi, Möet, makkarónum, Pavloum, High tea og ýmsu öðru góðgæti.

„Stundum þarf að taka eitt skref aftur á bak til að geta tekið tvö skref áfram en Covid árin voru þung í rekstri en svo eru öll hráefni og launakostnaður búið að hækka gríðarlega síðustu þrjú ár að maður þarf að skoða vel hvað maður eyðir tíma sínum í.“

Segir í tilkynningu frá Sætum Syndum.

Opið er frá 9 til 17 virka daga og 11 til 14 á laugardögum.

Sætar Syndir urðu 10 ára í fyrra og eru vörur þeirra t.a.m. fáanlegar í fjórum Krónu búðum á Höfuðborgarsvæðinu.

Myndir: facebook / Sætar Syndir