Vertu memm

Markaðurinn

Rifinn ostur sem kryddar tilveruna – nýjar kryddaðar ostablöndur frá Mjólkursamsölunni

Birting:

þann

Kryddaðar ostablöndur frá Mjólkursamsölunni - Sterk ítölsk ostablanda - Mexíkósk ostablanda

Mexíkósk og ítölsk matargerð er í miklu uppáhaldi hjá íslensku þjóðinni og skal engan undra enda oft um að ræða einstaklega ljúffenga og bragðmikla rétti. MS hefur nú sett á markað tvær spennandi nýjungar sem munu án efa hitta í mark hjá þeim fjölmörgu sem vilja smá krydd í tilveruna í eldhúsinu.

Sterk ítölsk ostablanda er bragðsterkur rifinn ostur með ítölskum kryddjurtum, cayenne-pipar og chili sem setur punktinn yfir i-ið á pizzunni og lasanjanu. Mexíkósk ostablanda er bragðmikill rifinn ostur með mexíkóskri chilikryddblöndu sem hentar sérstaklega vel í tacos, tortilla vefjur, nachos og með kjúklingasúpunni. Báðir ostarnir henta svo að sjálfsögðu í alls kyns aðra matargerð og má þar nefna heita brauðrétti, pizzasnúða, pítur, salöt, grænmetisrétti og svona mætti lengi telja.

Ostarnir eru missterkir en til upplýsinga fyrir neytendur eru umbúðirnar merktar með logum til að tákna styrkleika þeirra, mexíkóska blandan er merkt með einum loga og sú ítalska tveimur.

Meðfylgjandi er brakandi ný uppskrift að tacos með mexíkóskri ostablöndu sem við hvetjum ykkur til að prófa. Fleiri uppskriftir er að finna á umbúðum ostanna og á gottimatinn.is

Tacos með kjúklingi og mexíkóskri ostablöndu

Tacos með kjúklingi og mexíkóskri ostablöndu

Tacos með kjúklingi og mexíkóskri ostablöndu
– fyrir fjóra

12 litlar vefjur

2-3 kjúklingabringur, kryddaðar eftir smekk

salsasósa eftir smekk

fersk salatblöð

kirsuberjatómatar

avocado

rautt ferskt chili

kóríander

mexíkósk ostablanda

  1. Grillið kjúklingabringur, hitið vefjur og skerið niður grænmeti.
  2. Raðið í vefjurnar og toppið með Mexíkóskri ostablöndu.
  3. Önnur aðferð er að setja ostinn fyrst á vefjurnar og hita í smá stund í ofni áður en kjúklingi og grænmeti er bætt við.

Ef þú hefur áhuga á að auglýsa hér á veitingageirinn.is, hafðu þá samband við okkur á netfangið [email protected] og við sendum til baka allar upplýsingar. ... smellið hér til að lesa fleiri fréttir og tilkynningar frá styrktaraðilum vefsins.

Auglýsingapláss

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið