Páskaegg Veitingageirans í ár – Sannkallað augnakonfekt

Það er alltaf jafn gaman að skoða páskaeggjaúrvalið. Skiptar skoðanir eru um hvaða egg eru best og sitt sýnist hverjum. Í mörg ár hafa verksmiðjuframleiddu eggin orðið fyrir valinu hjá okkur en síðustu ár hafa handunnin páskaegg heillað.

Í ár var páskaegg frá Fríðu fyrir valinu, en Fríða Chocolate er kaffihús í eigu listamannsins Fríðu Gylfadóttur. Þar ber hún fram eðal kaffi og handgerða súkkulaðimola. Kaffihúsið er staðsett við Túngötu 40 á Siglufirði.

Kaffihúsið er staðsett við Túngötu 40 á Siglufirði

Bjarstýnin var í hámarki þegar fréttamaður rölti inn á kaffihúsið rétt fyrir páska til að kaupa egg með 80% súkkulaði.

„Það er allt uppselt!“

Sagði afgreiðslustúlkan, en benti mér á að það ætti þó eftir að steypa aðra tegund í nokkur mót. Náði ég þannig að tryggja mér tvílitt egg með hvítu og brúnu súkkulaði.

Páskaeggið kostaði 3.800 krónur og var hverrar krónu virði.

Á kaffihúsinu er boðið upp á eðal kaffi og handgerða súkkulaðimola

Inni í egginu voru fjórir handgerðir konfektmolar sem kitluðu bragðlaukana og eggið sjálft var einstaklega bragðgott og gladdi jafnframt augað.

Málshátturinn innihélt svo þetta ágæta viskukorn:

„Success is a journey not a destination“

Myndir: veitingageirinn.is / Fríða