Ómerkt egg í fullelduðum kjúklingabringum

Matvælastofnun varar neytendur með eggjaofnæmi við neyslu á tilteknum Sous vide kjúklingabringum frá Stjörnufugli. Varan inniheldur egg án þess að það komi fram á merkingum. Fyrirtækið innkallar allar lotur með best fyrir dagsetningum fyrir 15.11.20, í samráði við Matvælastofnun.

Innköllunin á eingöngu við um eftirfarandi framleiðslulotur:

Vöruheiti: Stjörnufugl Sous vide kjúklingabringur, Hvítlaukspipar Parmesan
Strikamerki: 2328801005023
Best fyrir dagsetningar: Allar fyrir 15.11.20
Framleiðandi: Stjörnufugl, Saltvík, 162 Reykjavík
Dreifing: Verslanir Krónunnar og verslanir Samkaupa (Nettó og Kjörbúðin)

Viðskiptavinir Krónunnar og Samkaupa sem keypt hafa vöruna og hafa ofnæmi eða óþol fyrir eggjum er bent á að neyta hennar ekki og skila í verslunina þar sem hún var keypt.

Mynd: aðsend / Matvælastofnun