Nýtt fyrirkomulag á keppninni Matreiðslumaður Norðurlanda

Stjórn NKF hefur gert eina breytingu á keppninni Matreiðslumaður Norðurlanda en hún felst í því að hver þjóð sendir sinn landsmeistara og einn joker þannig að það verða 10 sem keppa til úrslita í Herning Fair Center  á sýningunni Foodexpo  27 Janúar 2010.

Jóhannes Steinn Jóhannesson hefur unnið sér þáttökurétt sem Matreiðslumaður ársins 2009 og svo kom það í hlut Ungkokka Íslands að skipa í aukasætið undir dyggri stjórn Hrefnu Rósu Sætran.

Sá sem fyrir valinu varð og fer með Jóhannes til Danmerkur er Bjarni Siguróli Jakobsson sem var að útskrifast núna í desember en hann nam sín fræði á Hilton Reykjavík Nordica, restaurant Vox.

Verður spennandi að sjá hvernig þessi skipan kemur út í praksis.

/Sverrir