Nýr veitingastaður opnar í Grundarfirði

Veitingastaðurinn 59 Bistro Bar var opnaður nú á dögunum í Grundarfirði eftir gagngerar breytingar.  Veitingastaðurinn er til húsa á Grundargötu 59 þar sem að Kaffi 59 og síðar RúBen voru til húsa, að því er fram kemur á vefnum skessuhorn.is.

Það er framreiðslumaðurinn Hendrik Björn Hermannsson sem er maðurinn á bakvið 59 Bistro Bar og hefur hann staðið í ströngu síðustu viku en hann fékk staðinn afhentan 1. október síðastliðinn.

Mikið verk hefur verið unnið á þessum sjö dögum en gagngerar endurbætur hafa átt sér stað inni á staðnum. Skipt hefur verið um gólfefni og innréttingar og margar hendur verið iðnar við kolann á þessum tíma. Staðurinn er glæsilegur á að líta eftir breytingarnar og verður varla neinn svikinn af heimsókn á 59 Bistro Bar.  Greint frá á skessuhorn.is

Matseðlar

59 Bistro Bar býður upp á fjölbreyttan matseðil ásamt því að vera með hópamatseðil og jólamatseðil.

Myndir

Myndir: facebook.com / 59 Bistro Bar