Nýr veitingarstaður í Park Inn hótelinu í Reykjanesbæ

Miklar breytingar eru framundan á Park Inn hótelinu í Reykjanesbæ því Vocal veitingastaðurinn mun algjörlega breytast og opna undir nýju nafni og áherslum í lok október. Undir nýju nafni verður þar sælkera bistró veitingastaður ásamt glænýjum bar og betrumbættu „loungei“.

„Við erum í raun að gera Vocal fokheldan og þangað fer inn þetta nýja concept sem við félagarnir höfum þróað með hótelinu síðan í vor. Þessi nýi staður verður á pari við það allra besta sem höfuðborgin hefur upp á að bjóða í upplifun á mat og drykk ásamt því að við erum að sérflytja inn glæsileg húsgögn frá Ítalíu fyrir staðinn,“

, segir Jón Gunnar Geirdal í samtali við Víkurfréttir sem birtir viðtal (sjá nánar hér) við þá félaga Jón og lífsstílsmeistarann Arnar Gauti Sverrisson sem stýra verkefninu og framkvæmdunum.

Mynd: parkinn.com