Nýr sjávarréttastaður opnar í miðborg Reykjavíkur

Starfsfólk Messans skálar fyrir frábærum opnunardegi

Þar sem veitingastaðurinn Veiðikofinn var áður til húsa við Lækjargötu er kominn nýr sjávarréttastaður sem ber nafnið Messinn.

Messinn opnaði formlega 21. júní síðastliðinn og hefur fengið afar jákvæðar undirtektir.

„Við ætlum að fanga andann á Tjöruhúsinu á Ísafirði og flytja hann hingað til Reykjavíkur. Ég og Maggi, eigandi Tjöruhússins, erum systkinabörn og ég kokkaði þar í dálítinn tíma. Hann hefur lagt blessun sína yfir staðinn og ætlar meira að segja að koma í heimsókn og elda fyrir okkur,“

segir Jón Mýrdal veitingamaður í samtali við Fréttatímann en Messinn er í anda Tjöruhússins á Ísafirði.

„Getur maður loksins fengið fisk í Reykjavík sem er ekki léttsteiktur á báðum hliðum, með smá aspas og brokkólí, 3 gljáðum kartöflum og svo einhverja froðu með,“

skrifar einn gestur á facebook síðu Messans sem er greinilega mjög ánægður með þessa viðbót í veitingaflóru Reykjavíkur.

Á twitter má sjá fjölmarga gesti ánægða með veitingastaðinn:

1/10 af skammti f einn. Af besta kola mannkynssögunnar. #messinn pic.twitter.com/NDabpPWOIF

— Björn Teitsson (@bjornteits) June 7, 2016

Haraldurinn 1 úr improv Ísland fór á Messann. Nú erum við svo mett að við getum ekki hreyft okkur. #iceland #messinn pic.twitter.com/4cJ0VEAdG7

— Atli Viðar (@atli_vidar) June 9, 2016

Hands down besti fiskur í Reykjavík á Messanum! Er búin að hugsa um matinn þar stanslaust síðan ég smakkaði! #messinn

— Salka Sól Eyfeld (@salkadelasol) July 6, 2016

Leikarinn frægi úr þáttunum Office Rainn Wilson var ánægður Messann

Best fish I’ve ever eaten:
Messinn #Reykjavik

— RainnWilson (@rainnwilson) June 26, 2016

Það var nóg um að vera á Messanum á 17. júní #Pre-opening
Mynd: smári / Veitingageirinn.is

Snorri Sigfinnsson er yfirmatreiðslumaður Messans, en hann hefur áður starfað hjá Argentínu Steikhúsi, Center Hótelinu Arnarhvoll svo fátt eitt sé nefnt.

Matseðillinn er skemmtilegur og ferskur að sjá og þar er ekki mikið um flækjustig, þrír forréttir, saltfiskmús, graflax og humarsúpu og fínt verð eða frá 1.650 til 1.850 krónur.  Aðalréttir þar sem fiskipönnurnar leika aðalhlutverkið, s.s. plokkfisk, gellur, bleikja, einfalt og girnilegt að sjá.  Kjötréttir eru ekki í boði, en hey, þetta er nú sjávarréttarstaður.

Fjórir eftirréttir er á matseðlinum sem heita Berjabrjálæði sem er vegan réttur, döðlukaka, súkkulaðikaka og hvítsúkkulaði skyrmús.

Auglýsingapláss

Spennandi matseðill sem er allt í senn, góður fyrir budduna.

Myndir: facebook / Messinn Reykjavík