Nýr kafli hefst í sögu Hótel Borgar | Nýtt og sérhannað eldhús

Nýr kafli hefst í sögu Hótel Borgar þegar tekin verður í notkun glæsileg viðbygging með 43 herbergjum í Art Decostíl, ásamt heilsulind og líkamsræktarstöð. Á Borg Restaurant matreiða meistarakokkar í nýju og sérhönnuðu eldhúsi, undirbúa fundi og hátíðlegar veislur í Gyllta salnum og bjóða gesti velkomna í Karolínustofu Hótel Borg, ein af perlum Guðjóns Samúelssonar sem sett hefur svip sinn á Reykjavík í 85 ár, stendur á tímamótum.

Frá ársbyrjun 2014 hafa staðið yfir miklar framkvæmdir við stækkun hótelsins og endurbætur á veislusölum, eldhúsi og gestamóttöku. Nú sér loks fyrir endann á því verki og innan skamms verður tekin í notkun glæsileg viðbygging með 43 nýjum herbergum, ásamt líkamsræktarstöð og heilsulind á jarðhæð.

Breytingarnar eru ákaflega vel heppnaðar, lögð var höfuðáhersla á að halda í söguna og varðveita sálina í húsinu og það hefur tekist með eindæmum vel,

segir Ólafur Þorgeirsson hótelstjóri í samtali við mbl.is, en nánari umfjöllun er hægt að lesa á vef Morgunblaðsins með því að smella hér.

Mynd: af facebook síðu Hótel Borgar.