Ný vefbók fyrir matvælakennslu og áhugafólk um matreiðslu – Þér er boðið í útgáfupartý

Hermann Þór Marinósson

Hermann Þór Marinósson lærði matreiðslu í Perlunni á árunum 2000 til 2004 og vann þar einnig sem matreiðslumaður. Eftir árin í Perlunni starfaði hann á Thorvaldsen, Hótel Holti, mötuneytinu í Samskip og á Hilton. Áhugasvið Hermanns liggur í útivist, íþróttir, hundar og mörgu fleira.

Áhugi hans á matreiðslu byrjaði á unga aldri og var það alltaf stefnan að verða matreiðslumaður og ná langt í því fagi. Hermann lauk kennsluréttindum sínum árið 2018 frá Háskóla Íslands og starfar sem kennari við Hótel- og matvælaskólann í MK.

Hinrik Carl Ellertsson

Hinrik Carl Ellertsson er matreiðslumeistari að mennt og starfar sem kennari við Hótel- og matvælaskólann í MK. Einnig hefur Hinrik unnið sem yfirmatreiðslumeistari á Radison Blue Caledonian, rekstrarstjóri Dill og bruggmeistari hjá KEX brewing. Hann var í stjórn Slow food á Íslandi ásamt því að reka fræðslufyrirtækið Bjórakademíuna.

Á yngri árum átti hann sæti í U-23 kokklandsliði Íslands. Nýting fjörunnar hefur alltaf verið honum hugleikin og fræðsla henni tengd. Hinrik lauk kennsluréttindum sínum árið 2020 frá Háskóla Íslands.

Ragnar Wessman

Ragnar Wessman lauk námi í matreiðslu árið 1970 og fékk meistararéttindi árið 1975. Hann vann í iðngrein sinni í tæp þrjátíu ár og síðan við kennslu í Hótel- og matvælaskólanum, lengst af sem fagstjóri. Ragnar var jafnframt meðlimur í sveinsprófsnefnd og síðan formaður sveinprófsnefndar til margra ára.

Ragnar lauk námi við Kennaraháskóla Ísland í uppeldis- og kennslufræðum fyrir kennara á framhaldsskólastigi árið 2000.

Jafnframt Dipl.Ed.-prófi í uppeldis- og menntunarfræðum við framhaldsdeild Kennaraháskóla Íslands 2005. Árið 2010 lauk hann meistaranámi við Háskóla Íslands í Uppeldis- og menntunarfræðideild.

Ægir Friðriksson

Ægir Friðriksson er matreiðslumeistari og kennari sem útskrifaðist frá Hótel Sögu árið 2004. Hann hóf nám í matreiðslu á Hótel Sögu árið 2000 og útskrifaðist árið 2004. Þar starfaði hann með mörgum færustu matreiðslumönnum Íslands.

Árið 2008 flutti hann til Barcelona með fjölskyldu sinni. Þar vann hann á veitingastaðnum Me og Picknic, sem opnaði augu hans fyrir víetnamískri, suður-amerískri og spænskri matreiðslu. Hann flutti aftur til Íslands árið 2011 og tók við sem yfirmatreiðslumaður á einu stærsta hóteli Íslands sem hét áður Loftleiðir en breyttist á þeim tíma í Hótel Reykjavík Natura og hann starfaði þar til ársins 2014.

Árið 2018 hóf hann störf við Hótel- og matvælaskólanum í MK samhliða námi í kennslufræði við Háskóla Íslands sem hann lauk árið 2020.

Myndir: idnu.is