Ný mathöll opnar í gamla Pósthúsinu í Reykjavík

Pósthússtræti 5 í Reykjavík var friðað af menntamálaráðherra 19. apríl 1991.

Ný mathöll opnar í gamla Pósthúsinu sem hefur fengið nafnið Pósthús Mathöll, en stefnt er að því að opna í lok ársins með pompi og prakt.

Þeir sem standa að nýju mathöllinni ættu margir í veitingabransanum þekkja enda þungavigtarmenn í veitingageiranum, en fremstir þar í flokki eru bræðurnir Ingvar og Hermann Svendsen sem hafa rekið og átt fjölda veitingastaða hérlendis, auk Þórðar Axel Þórissonar og Leifs Welding en Leifur hefur hannað marga af flottustu veitingastöðum landsins og má því búast við að Pósthúsið verði mikið fyrir augað.

„Pósthús Mathöll verður mathöll sem ekki á sína líka á Íslandi og þótt víðar væri leitað. Þetta verður ekki hefðbundin Mathöll heldur ein stór gleðisprengja sem þú vilt ekki yfirgefa, hér mun fólk vilja borða og skemmta sér allan liðlangan daginn fram á nótt,“

segir Leifur Welding hönnuður og einn eiganda mathallarinnar, í samtali við mbl.is sem fjallar nánar um mathöllina hér.

Mynd: skjáskot af google korti