Nemendur í Hótel og matvælaskólanum bjóða upp á glæsilega veislu á formlegri setningu Food & Fun hátíðarinnar

Á morgun hefst Food & Fun hátíðin með formlegri setningu í Hótel- og matvælaskólanum í MK, en skólinn hefur frá upphafi annast móttöku fyrir gesti og velunnara keppninnar.

Boðið verður upp á glæsilega veislu sem fram verða bornar af nemendum skólans.

Í matreiðsludeildinni eru nemendum skipt upp í hópa og vinna allir hópar með sama hráefnið. Þeir útfæra réttina eftir sínum hugmyndum. Þrír hópar í heitum mat og þrír hópar í köldum mat.

Nemendur eru búnir að undirbúa veisluna mánudag og í dag þriðjudag, síðan er lokahönd lögð á réttina og þeir framreiddir á ýmsa vegu á morgun.

Með fylgja nokkrar myndir þegar hóparnir voru að hanna réttina samkvæmt hráefnislista sem unnið var í bóklegum tímum, hráefnisfræði, sósum og matreiðsluaðferðum.

Það var Guðmundur Guðmundsson matreiðslumeistari og kennari skólans sem tók myndirnar.

Auglýsingapláss

Réttirnir eru allir í smárétta formi, skeiðar, litlar skálar, á ýmiskonar bakstri og lamb verður skorið (transerað) í sal.

Hér fyrir neðan eru allir réttirnir:

Reykt bleikju-ballontina með estragon-sýrðum rjóma á stökkri vöfflu

Appelsínigrafinn lax í pönnuköku með dill-rjómaost-froðu

Hörpufiskur með grænkáls kimichi

Heimagerður harðfiskur og rúgbrauðsþynnur með reyktum þorskhrognum og kryddjurtadufti

Auglýsingapláss

Blini með bleikju og rauðrófumauki

Reykt gæs, heimagert flatbrauð, lauksulta, epli og piparrótar mæjó

Lambatartar, stökkt bygg og sinneps chantylli krem

Íslenskt skyr, bakað hvítt súkkulaði, sítrónumatenges og blóðbergsgranita

Grafið lamb, brúnað smjörkrem og sýrður perlulaukur

Djúpsteikt dalayrja, rifsberjacompott og vorlaukssalsa

Auglýsingapláss

Reykt bleykja, dillvinaigrette, þorskhrogn, piparrótarmæjo og rúgbrauðskrisp

Saltfisk brandad, grænkál og sýrðir sellerí-borðar

Lambafille, blómkálsmauk, perlulaukur og timian lamba-gljái

Skyrmús, hafracrumbl og berjasósa

Tartaletta
Grafin hrossalund, sýrðir shitake sveppir og djúpsteikt bygg

Reykt bleikja
Stökkt roð, bleikjuhrogn, dillolía og piparrótarmæjó

Auglýsingapláss

Kryddgrafinn þorskur
Brend sítróna, steiktir tómatar, sellerímauk og djúpsteikt þorskhrogn

Steikt lambafille
Saltbökuð rófa, sýrður perlulaukur, sáterað grænmeti og portvínssós

Eldsteikt hörpuskel í kremuðu pernot

Myndir: Guðmundur Guðmundsson matreiðslumeistari og kennari Hótel- og matvælaskólans.