Myndir frá sveinsprófsæfingu hjá nemendum í matreiðslu í VMA

Þann 13. nóvember sl. var haldin önnur af þremur sveinsprófsæfingum hjá nemendum í 3. bekk matreiðslu í Verkmenntaskólanum á Akureyri (VMA)

Fyrir æfinguna fengu nemendur að vita hvert sveinsprófsverkefni þeirra yrði. Æfingin tókst vel og gaf nemundum þau svör sem þau voru að leitast eftir.

Theódór Sölvi Haraldsson, Haraldur Már Pétursson og Snæbjörn Kristjánsson

Til að gefa æfingunni meiri dýpt, þá voru fengnir þrír matreiðslumeistarar úr Klúbbi matreiðslumeistara á Norðurlandi til að fara yfir réttina með nemendum sem og miðla sinni reynslu til þeirra og mæltist það vel fyrir.

Vert er að vekja athygli á því að búið er að opna fyrir umsóknir í 3. bekk í matreiðslu næstu önn s.s. vorönn 2019. Stefnt er að kenna 2. bekk næst vorönnina 2020. Það er síðan von VMA að 2. og 3. bekkur verði kenndir til skiptis á vorönn í framtíðinni.

Myndir: Ari Hallgrímsson matreiðslumaður og kennari í VMA