Misstir þú af keppnisborði Kokkalandsliðsins í Smáralindinni? Ef svo er þá getur þú séð það á morgun 8. okt.

Kokkalandsliðið 2016

Kokkalandsliðið æfir nú stíft fyrir Ólympíuleika í matreiðslu sem fram fara í Þýskalandi síðar í mánuðinum.  Önnur keppnisgreinin er kalt borð eða Culinary Art Table þar sem sýndir eru yfir 30 réttir.

Þráinn Freyr Vigfússon, Fannar Vernharðsson og Bjarni Siguróli Jakobsson

Borðið er sannkallað listaverk þar sem hvert smáatriði hefur verið hugsað í þaula. Liður í æfingarferlinu er að flytja réttina milli staða þannig að þeir haldi fullkomnu útliti sínu enda þurfa þeir að vera til sýnis í margar klukkustundir á keppnisstað. Landsmönnum gafst kostur á að skoða borðið þegar því var stillt upp til sýnis í Smáralind síðasta laugardag 1. október. Eftir viðburðinn í Smáralind var Þráinn Freyr Vigfússon, faglegur framkvæmdastjóri liðsins hæstánæður og sagði það hafi gengið vonum framar að koma kalda borðinu upp. Einnig að það hafi verið frábært og hvetjandi fyrir liðið að finna fyrir áhuga og stuðningi allra sem mættu. Því mun liðið endurtaka leikinn á morgun laugardaginn 8. október kl. 12-17.

Ólympíuleikarnir í matreiðslu, IKA Culinary Olympics, er stærsta matreiðslukeppni landsliða í heiminum og jafnframt sú mest krefjandi. Keppnin á sér yfir 100 ára sögu og er haldin á fjögurra ára fresti. Í keppninni mætast margir af færustu kokkum heims frá um 50 löndum. Liðin koma með hluta af hráefni með sér að heiman, auk ýmissa tækja og tóla sem þarf á keppnisstað. Keppt er í tveimur greinum, köldu borði  23. október og heitum mat 25. október. Það lið sem nær hæstu samanlögðum stigum verður Ólympíumeistari.

Landsmönnum gafst kostur á að skoða borðið þegar því var stillt upp til sýnis í Smáralind síðasta laugardag 1. október.

Kokkalandsliðið sýnir keppnisborð í Smáralind á morgun laugardaginn 8. október kl. 12-17.

Kokkalandsliðið sem hefur æft fyrir keppnina síðustu 18 mánuði er skipað færustu matreiðslumönnum landsins, 16 talsins:

Hafliði Halldórsson framkvæmdastjóri liðsins, Þráinn Freyr Vigfússon faglegur framkvæmdastjóri, Bjarni Siguróli Jakobsson fyrirliði, Björn Bragi Bragason forseti KM/framkvæmdastjórn, Steinn Óskar Sigurðsson liðsstjóri, Jóhannes Steinn Jóhannsesson liðsstjóri, Fannar Vernharðsson, Ylfa Helgadóttir, Hafsteinn Ólafsson, Axel Clausen, Garðar Kári Garðarsson, Hrafnkell Sigríðarson, Atli Þór Erlendsson, Sigurður Ágústsson, Georg Arnar Halldórsson og María Shramko.

Meðfylgjandi myndir eru frá þegar Kokkalandsliðið sýndi keppnisborðið í Smáralind síðasta laugardag 1. október.

Myndir: kokkalandslidid.is