Matarmarkaður Íslands í Hörpu – Helgina 7. – 8. mars

Matarmarkaður Íslands 2.-3. mars 2019
Mynd: Helga Björnsdóttir

Á Matarmarkaði Íslands í Hörpu koma saman bændur, sjómenn og smáframleiðendur alls staðar að af landinu með fjölbreytta flóru matarhandverks.

Næsti markaður er í Hörpu helgina 7. – 8. mars næstkomandi.

Opunartíminn er frá kl. 11 og til kl. 17 báða daga og er ókeypis inn.

Á markaðnum er einstakt tækifæri fyrir neytendur að versla beint af framleiðandanum, fá upplýsingar beint í æð og fá að vita hvað stendur að baki vörunnar.

Einkunnarorð markaðarins eru uppruni, umhyggja og upplifun. Erfitt er að lýsa stemningunni sem myndast á matarmörkuðum, þar er smakk sögu ríkari. Þá eru foreldrar og forráðamenn hvattir til að taka börnin með sér og kynna þau fyrir þessari tegund matarmenningar, gefa þeim smakk og segja þeim frá.

Það ættu allir að geta fundið eitthvað við sitt hæfi, sætt, súrt, fljótandi og fast.