Lávarðadeild KM í fræðsluferð til Suðurnesja – Myndir

Lávarðadeild Klúbbs Matreiðslumeistara fór í fræðsluferð til Suðurnesja þriðjudaginn 21. nóvember s.l.

Flugeldhús Icelandair

Flugeldhús Icelandair

Fyrst var farið og skoðað Flugeldhús Icelandair í boði Jóns Vilhjámssonar. Ótrúlegt eldhús sem afgreiðir þúsundir fjölbreyttar máltíðir á dag við ótrúlega aðstöðu þar sem farþegum og starfsfólki á flugvellinum hefur margfaldast á nokkrum árum. Þarna eru unnin kraftaverk á hverjum degi.

Skólamatur

Skólamatur

Síðan var farið og kíkt á nýja eldhúsið hjá Skólamat sem staðsett er í Keflavík. Við skoðuðum eldra eldhúsið fyrir nokkrum árum, en síðan hafa þúsundir máltíða bæst við. Eldaðar eru 10 þúsund skólamáltíðir á dag fyrir 44 skóla. Jón Axelsson matreiðslumeistari sýndi okkur þeirra frábæra nýja eldhús og útskýrði flæðið í vinnslunni á snilldarlegan hátt. Frábær rekstur.

Veisluþjónustan Soho

Veisluþjónustan Soho

Því næst tókum við smá bíltúr um Keflavík en undirritaður þekkir nokkuð þar til. Þá var farið og skoðað hjá hinum landsþekkta snillingi Erni Garðars eins og flestir þekkja hann, á veislueldhús Soho sem stendur bókstaflega á klettabrún í Keflavíkurbæ.

Þarna fengu menn að skoða eldhúsið og síðan bauð Örn okkur upp á frábæran steiktan lax sem var algert lostæti.

Svo var haldið aftur inneftir eins og sannir Keflvíkingar segja.

Myndir tók Guðjón Steinsson matreiðslumeistari.

Hilmar B. Jónsson
Matreiðslumeistari