Kokkur ársins og Grænmetiskokkur ársins – Spennandi helgi framundan

Hinrik Örn Lárusson fagnar sigrinum – Kokkur ársins 2024

Keppnirnar um Kokk ársins og Grænmetiskokk ársins fara fram í IKEA um helgina. Forkeppni Kokks ársins hefst á morgun fimmtudaginn 27. mars, þar sem átta keppendur keppa um fimm sæti í úrslitakeppninni sem fer fram á laugardeginum.

Þeir sem berjast um efstu fimm sætin á morgun eru: (raðað eftir stafrófsröð)

• Bjarni Ingi Sigurgíslason
• Gabríel Kristinn Bjarnason
• Gunnar Georg Gray
• Hugi Rafn Stefánsson
• Ísak Jóhannsson
• Jafet Bergmann Viðarsson
• Kristín Birta Ólafsdóttir
• Wiktor Pálsson

Á föstudeginum verður keppnin um Grænmetiskokk ársins, sem hefst klukkan 12:00 og lýkur um klukkan 19:00. Sigurvegarinn mun taka þátt í Nordic Green Chef í Herning í Danmörku í mars næsta árs.

Bjarki Snær Þorsteinsson og Hinrik Örn Lárusson

Keppnin Kokkur ársins var fyrst haldin árið 1994 og hefur hún verið ein mikilvægasta keppni fagkokka á Íslandi síðan. Á síðasta ári sigraði Hinrik Örn Lárusson keppnina og hélt svo áfram að keppa á Global Chef Europe fyrr á þessu ári. Þar stóð hann sig frábærlega og sigraði í Europe North-hluta keppninnar. Hinrik mun keppa í úrslitakeppni Global Chef sem fer fram í Wales í maí á næsta ári.

Sá sem fer með sigur af hólmi í árlegri keppni Kokks ársins öðlast rétt til að taka þátt í Nordic Chef á næsta ári – en sú keppni sameinar hæfileikaríkustu kokka Norðurlandanna.

Á föstudag fer fram keppnin um Grænmetiskokk ársins. Hún hefst klukkan 12:00 og áætlað er að henni ljúki um klukkan 19:00. Þetta er í annað sinn sem Klúbbur matreiðslumeistara heldur þessa keppni. Fyrsta keppnin fór fram árið 2024, og þar stóð Bjarki Snær Þorsteinsson uppi sem sigurvegari. Hann keppti síðar fyrir Íslands hönd á Global Vegan Chef Europe, sem haldin var í Rimini á Ítalíu í febrúar, þar sem hann hafnaði í þriðja sæti í Europe North.

Sigurvegarinn í ár mun keppa á Nordic Green Chef, sem haldin verður í Herning í Danmörku í mars á næsta ári.

Dagskrá fimmtudagsins lítur svona út:

Meðfylgjandi eru einnig nokkrar myndir frá keppninni í fyrra, teknar af Mumma Lú, sem fangar stemninguna og fagmennskuna sem ríkir á þessum viðburði.