Kokkur Ársins 2017 í dag – Hráefnið uppljóstrað – Myndir og vídeó – Úrslit kynnt í kvöld: Kokkur Ársins 2017 og Framreiðslu-, og Matreiðslunemi ársins 2017

Fimm manna úrslitakeppni í Kokkur ársins keppninni fer fram í Hörpu í dag laugardaginn 23. september.

Þeir fimm keppendur sem munu keppa um titilinn Kokkur ársins 2017:

• Bjarni Viðar Þorsteinsson – Sjávargrillið
• Garðar Kári Garðarsson – Deplar Farm / Strikið
• Hafsteinn Ólafsson – Sumac Grill + Drinks
• Rúnar Pierre Heriveaux – Grillið Hótel Saga
• Víðir Erlingsson – Bláa Lónið

Keppendur elda 3ja rétta matseðil úr svokallaðir leyni körfu sem þeir fengu að vita í gærkvöldi:

Forréttur
Keppendur skulu nota heilan skötusel, fersk ígulker og ferska hörpuskel

Aðalréttur
Keppendur útfæra sína 2017 útgáfu af klassíska réttinum “Önd Orange”.
Keppendur fá 2 heilar Franskar Barberie endur sem skylduhráefni.

Eftirréttur
Keppendur skulu nota frosin íslensk aðalbláber, Cacao Barry mjólkursúkkulaði 38% og gríska jógúrt.
Aðalatriðið í eftirréttinum verður að vera borið fram heitt.

Keppendur hafa svo 5 klst til að undirbúa matinn.

Myndir

Með fylgja myndir þegar hráefnið var uppljóstrað í gærkvöldi.

Húsið er opið fyrir alla gesti kl: 12 – 18, eftir það er einungis opið fyrir gesti sem hafa tryggt sér miða á kvöldverð samhliða keppninni þar sem Gummi Ben, Eyþór Ingi og landsliðið munu sjá um stemninguna.

Í gær föstudaginn 22. september fór fram í Hörpu úrslitakeppni nema í matreiðslu og framreiðslu um titilinn framreiðslu og matreiðslunemi ársins 2017. Sigahæstu nemarnir í keppninni koma til með að taka þátt í Norrænu nemakeppninni sem fer fram í Kaupmannahöfn dagana 20 – 21 apríl 2018.

Vídeó

Denis Grbic Kokkur ársins 2016 myndar hér úrslitakeppni Matreiðslu- og Framreiðslunema 2017:

[fbvideo link=“https://www.facebook.com/Veitingageirinn.is/videos/1580725711990941/“ width=“500″ height=“400″ onlyvideo=“1″]

Úrslit verða kynnt í kvöld úr keppnunum Kokkur ársins 2017 og Framreiðslu og Matreiðslunemi ársins 2017 við hátíðlega athöfn.

Myndir: facebook / Kokkur ársins