Keppnin Kokkur ársins haldin í Laugardalshöllinni

Frá keppninni Kokkur ársins 2019

Keppnin um titilinn Kokkur ársins verður haldin í Laugardalshöll í apríl, þar sem búast má við að bestu kokkar landsins keppi sín á milli.

Keppandi skilar inn uppskrift af aðalrétti fyrir 8 manns sem inniheldur prótein, sterkju og meðlæti.

Hverjum matreiðslumanni er einungis heimilt að senda inn eina uppskrift og eina mynd.

Litmynd í fullum gæðum skal sýna réttinn á ómerktum diski eða platta og ekkert má gefa til kynna um nafn keppanda eða vinnustað.

Þátttaka er ókeypis. Valnefnd, skipuð sex faglærðum dómurum, velur nafnlaust þær 10 uppskriftir sem þykja lofa góðu þar sem mið er tekið af frumleika, nýtingu á hráefni, gæði ljósmyndar og útliti réttarins.

Skil á uppskriftum er 15. mars 2022.

1. apríl verður forkeppni haldin í Laugardalshöllinni þar sem 10 matreiðslumenn keppa og 5 komast í úrslit sem haldin verður daginn eftir 2. apríl í laugardalshöllinni.

Kokkur ársins 2022 hlýtur þátttökurétt fyrir Íslands hönd í Nordic Chef of the Year 2023.

Í verðlaun er:

1. sæti – 300.000 kr.
2. sæti – 200.000 kr.
3. sæti – 100.000 kr.

Fyrirspurnir er hægt að senda á netfangið: [email protected]

Keppnin hefur ekki verið haldin síðastliðin ár vegna COVID-19 heimsfaraldurs.  Árið 2019 hreppti Sigurjón Bragi Geirsson titilinn Kokkur ársins.

Sjá einnig:

Sigurjón Bragi Geirsson er Kokkur ársins 2019

Fréttayfirlit: Kokkur ársins

Mynd: Ólafur Sveinn Guðmundsson