Kaffibrennslan á meðal þeirra bestu

Kaffibrennslan í Pósthússtræti, sem nú heitir Brons, er á lista yfir 80 bestu bari í heimi, sem ástralska ferðaskrifstofan Thirsty Swagman mælir með. Þetta kemur fram febrúartölublaði karlatímaritsins Ralph.

Ferðaskrifstofan Thirsty Swagman býður viðskiptavinum sínum m.a. að ferðast um heiminn til að heimsækja krár og drekka öl.

„Það er frábært að sjá hve margar krár og barir, sem eru í þeim löndum sem við heimsækjum, eru á meðal þeirra bestu í heiminum,“ segir Karen Logan, upplýsingafulltrúi Thirsty Swagman.

Rock City í Phuket á Taílandi er hins vegar sagður besti barinn í heiminum í dag. Þetta kemur fram í grein sem kallast „Umhverfis heiminn á 80 börum“.

Sem fyrr segir er minnst á Kaffibrennsluna í Reykjavík, auk Tiger Bar í Taílandi, Harry’s Quayside Bar í Singapore, Deschlers Bar og The Mini Bar í Nýja Sjálandi, Düsseldorf Altstadt í Þýskalandi, D’Almhuett’n í Austurríki og Beer Factory í Tékklandi.

Af vef Mbl.is