Jón Albert Kristinsson var endurkjörinn formaður Labaks félagsins

Stjórn og varastjórn Labak

Aðalfundur LABAK var haldinn 14. mars síðastliðinn. Jón Albert Kristinsson var endurkjörinn formaður félagsins til aðalfundar að ári. Jón Þór Lúðvíksson og Sigurður Enoksson voru kosnir í stjórn til næstu tveggja ára. Aðrir í stjórn eru Jón Heiðar Ríkharðsson og Sigurður M. Guðjónsson.  Stefán Sandholt og Steinþór Jónsson voru kosnir varamenn til eins árs.

Auk venjulegra aðalfundarstarfa fór fram vinna í umræðuhópum þar sem m.a var rætt um hlutverk og innra starf félagsins, menntamál, hagsmunagæslu og umbótastarf.  Á vef Labak.is segir að í umræðunum kom fram fjöldi mála sem félagsmenn vilja að félagið beiti sér fyrir. Það verður verkefni nýrrar stjórnar að forgangsraða þeim og hrinda í framkvæmd á næstu mánuðum og misserum.

Stjórn og nefndir Labak er hægt að skoða með því að smella hér.

Mynd: labak.is

/Smári