Jömm keppir á European Street Food Awards í Malmö næstu helgi

Linda Ýr Stefánsdóttir og Signý Ylfa Sigurðardóttir með verðlaunin fyrir „Götubita fólksins“ í sumar

Í sumar um helgina 19. – 21. júlí stóð Reykjavik Street Food fyrir fyrstu götubitahátíðinni á Miðbakkanum í Reykjavík í samstarfi við European Street Food Awards. Þar voru samankomnir 20 veitingavagnar, -gámar og -básar sem kepptu um hylli dómnefndar og gesta. Eini 100% vegan staðurinn á svæðinu var Jömm og var hann kosinn Götubiti fólksins 2019.

Jömm fékk meðal annars í verðlaun, þátttökurétt að keppa fyrir Íslands hönd í alþjóðlegri keppninni “European Street Food Awards” sem haldin verður í Malmö í Svíþjóð næstkomandi helgi og þar með í fyrsta skiptið sem að íslenskur götubiti tekur þátt í keppninni.

Jömm mun bjóða uppá allan matseðil sinn á European Street Food Awards í Malmö en samhliða því þá eru aukaflokkar og eru keppnisréttirnir í því þessir:

Beisik börger er í flokknum „Best Vegetarian”

Spicy box er í flokknum „Best Snack”

Óskum Jömm góðs gengis í fyrstu Götubitakeppninni sem Íslendingar taka þátt í á erlendri grundu.

Myndir: aðsendar