Ítalía flytur frá Laugaveginum yfir á Frakkastíg

Ítalía á Laugaveginum

Veitingahúsið Ítalía sem hefur um árabil verið staðsett á Laugavegi er nú lokað vegna flutninga. Veitingahúsið opnar aftur síðar í janúar á Frakkastíg 8b. Þar var áður rekið veitingahúsið Reykjavík Meat by Maison en því var nýlega lokað, en þetta kemur fram á visir.is.

Í tilkynningu um flutninginn á Facebook segir að „ný og endurbætt Ítalía“ opni seinna í janúar.

Veitingahúsið hefur verið rekið í húsnæðinu á Laugavegi í um þrjátíu ár. Þar var leyfi fyrir 100 manns á tveimur hæðum.

Mynd: italia.is