Íslensk kaldpressuð extra virgin repjuolía frá Sandhól

Ásbjörn Ólafsson hefur hafið sölu og dreifingu á þessari frábæru olíu.

Ræktun á repjuplöntunni og framleiðslan á olíunni fer fram á bænum Sandhóli í Meðallandi.

Repjufræið er pressað við lágt hitastig.  Olían er unnin úr fyrstu pressun sem þýðir að hún er fyrsta flokks og öll næringarefnin haldast í olíunni.

Olían inniheldur mikið magn af omega fitusýrum (3 og 6) og er rík af E-vítamíni.

Olían hefur fengið gríðarlega góðar viðtökur af fagfólki og flestir eru sammála um að það sé hnetukeimur af henni og bragðið minni einnig á lárperu og graskersfræ.

Kaldpressaða repjuolían frá Sandhól er skemmtileg viðbót við olíuflóruna og hentar sérstaklega vel í skandinavíska matargerð.