Icelandair Hótel Hérað óskar eftir matreiðslumanni

Matreiðslumenn hótelsins eru Guðjón Rúnar Þorgrímsson og Davíð Þór Kristjánsson.  Guðjón hefur starfað hjá okkur í fjögur ár og Davíð í tvö ár en saman eru þeir búnir að gera frábæra hluti á austurlandinu og tileinkað sér hráefni úr heimabyggð.  Guðjón hefur setið í stjórn Austfirskra krása í þrjú ár en mikill kraftur er í þeim samtökum.

Á hótel Héraði er 100 manna veitingastaður sem fékk glæsilega andislyftingu á síðasta ári, einnig 100 manna ráðstefnu og viðburða salur.  Mest er að gera á sumrin en ráðstefnur, árshátíðir, viðskiptatraffík og heimamenn einkenna veturna.  Við erum á hreindýra, gæsa, rjúpna, sveppa og bláberja slóðum og nýtum það að krafti.  Hreindýrasteikin er stolt hússins og hreindýrahamborgararnir unaðslegir.  Ekki er langt í nýjan fisk af fjörðunum svo hráefnisflóran er spennandi.  Hér er hægt að skoða matseðilinn.

Hér má sjá myndband um Icelandair hótel Hérað:

Erum með nýjan viðargrill ofn sem skilar steikunum sérlega safaríkum. Eldhúsið er rúmgott og vinnuvænt. Brönsinn á sunnudögum á veturna er vinsæll hjá heimafólkinu sem og happy hour og barbitarnir á barnum á kvöldin.

En því miður er hann Davíð að fara að kveðja okkur og fara til annara starfa og okkur vantar að ráða áhugasaman, metnaðarfullan matreiðslumann til að vera í teyminu okkar og taka þátt í enn meiri uppbyggingu á austurlandi.

Sendu ferilskrá á sv@icehotels eða hringdu í síma 8400-149 Stefán Viðarsson eða 4711500 Auði Önnu fyrir nánari upplýsingar.

Myndir: aðsendar

/Smári