Frétt

Hluti af fuglsvæng fannst í salati frá Hollt og Gott

Birting:

6 ár síðan

þann

18.11.2020

Eftir

Matvælastofnun varar við neyslu á einni framleiðslulotu af Veislusalati með uppruna frá Ítalíu sem Hollt og gott flytur inn vegna aðskotahlutar (hluti af fuglsvæng). Fyrirtækið hefur hafið innköllun á salatinu í samráði við Heilbrigðiseftirlit Reykjavíkur.

Matvælastofnun fékk upplýsingar frá neytanda um málið og gerði heilbrigðiseftirlitinu viðvart.

Innköllunin á eingöngu við um eftirfarandi framleiðslulotu:

Vörumerki: Hollt og gott
Vöruheiti: Veislusalat
Strikamerki: 5690350037822
Nettómagn: 100g
Best fyrir dagsetning: 21.11.2020
Innflytjandi: Hollt og gott, Fosshálsi 1, 110 Reykjavík
Dreifing: Krónan, Hagkaup, Melabúðin, Fjarðarkaup, Rangá, Seljakjör og Kaupfélag Skagfirðinga

Viðskiptavinir sem keypt hafa ofangreinda vöru eru beðnir um að neyta hennar ekki og skila henni í verslunina þar sem hún var keypt eða til Hollt og gott gegn fullri endurgreiðslu.

Mynd: aðsend

Tög:2020 Hollt og Gott Matvælastofnun

Smári Valtýr Sæbjörnsson

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Hægt er að hafa samband við Smára á netfangið [email protected] Skoða allar greinar höfundar hér >>