Hinni verður yfirkokkur á Íslensku Hamborgarafabrikkunni

Hinni yfirkokkur og Jói að mæla út réttu stærðina

Íslenska Hamborgarafabrikkan opnar núna í mars 2010. Það eru Idol meistararnir Simmi og Jói sem standa að baki Fabrikkunni sem staðsett verður við Höfðatún 2, við hringtorgið á Borgartúni eða skáhalt á móti Höfða.

Hinrik Ingi Guðbjargarson eða Hinni eins og hann er kallaður í daglegu tali verður yfirmatreiðslumaður Fabrikkunnar, en hann var áður að vinna hjá Sælkeradreifingu sem sölumaður þar.

Hinni sagði í samtali við freisting.is að staðurinn muni bjóða upp á 13 tegundir af hamborgurum og með litlum breytingum verði hægt að breyta yfir í heilsuborgara, þ.e. Spelt brauð, hvítlauksgrillaðan Portobello svepp svo eitthvað sé nefnt.

Einnig munu vera 5-6 forréttir, aðalréttir og eftirréttir á matseðlinum.

Íslenska Hamborgarafabrikkan mun taka 138 manns í sæti.

Opnunartími frá:
Sunnudegi til miðvikudags verður frá klukkan 11°° til 22°° og á fimmtudögum til laugardags verður opið frá klukkan 11°°-00°°

Mynd: Af facebook síðu Íslensku Hamborgarafabrikkunnar