Hér eru allar bjóruppskriftirnar frá bjórframleiðandanum BrewDog

„Svo hér er þetta.
Lyklarnir að konungsdæmi okkar. Hver einasta BrewDog uppskrift sem nokkru sinni hefur verið framleidd. Svo hermið eftir þeim, rífið þær í sundur, en fremst af öllu, njótið þeirra.“

Bjór­fram­leiðand­inn BrewDog hef­ur birt all­ar bjórupp­skrift­ir sín­ar á vefsvæði sínu svo áhuga­brugg­ar­ar fái notið þeirra.

Á heimasíðu brugg­húss­ins seg­ir ann­ar stofn­enda þess, James Watt frá því að hann og sam­starfsmaður hans Mart­in Dickie, hafi sjálf­ir byrjað í heima­bruggi árið 2005 vegna þess að þeir fundu ekki bjór við sitt hæfi í Bretlandi. Árið 2007  gerðu þeir áhuga­málið að at­vinnu  og í dag reka þeir 44 bari og hafa 540 manns og einn hund í vinnu, að því er fram kemur á mbl.is.

Und­ir lok árs 2015 höfðu þeir bruggað 134 þúsund hektó­lítra af bjór og á ár­inu meira en tvö­faldaðist fjöldi hlut­hafa í gegn­um hóp­fjár­mögn­un en þeir eru nú 32 þúsund tals­ins.

„Marg­ir af sí­gildu BrewDog bjór­un­um voru þróaðir á heima­bruggs-dög­um okk­ar,“

skrif­ar Watt sem seg­ir heima­brugg­un sam­gróna erfðaefni fyr­ir­tæk­is­ins. Hann seg­ir að  með upp­skrift­un­um, sem fengið hafa titil­inn DIY Dog hafi þeir fé­lag­ar viljað gera eitt­hvað sem aldrei hafi verið gert áður og hylla þannig ræt­ur sín­ar.

Smellið hér til að skoða uppskriftirnar og leyndarmálin á bakvið BrewDog bjórana.

Myndir: af facebook síðu BrewDog

Greint frá á mbl.is