Helgi Björns stefnir á veitingarekstur á Hótel Borg

Helgi Björnsson er mikill sælkeri

Tónlistarmaðurinn Helgi Björnsson stefnir á veitingarekstur í sölum hótelsins í náinni framtíð.

„Þetta er allt á frumstigi ennþá, en þegar mér bauðst að taka þessu verkefni skoraðist ég ekkert undan því,“

segir Helgi, í samtali við Fréttablaðið, sem hyggst ásamt Guðfinni Karlssyni veitingamanni hefja Borgina aftur til fyrri dýrðar.

„Við viljum koma Gyllta salnum aftur í notkun þar sem vonandi verður hægt að dansa, eins og sagan ber með sér. Það er algjör synd að einn fallegasti salur Reykjavíkur hafi bara verið settur undir pítsuofn. Mér hugnast það engan veginn. Það eru ekki margir staðir á Íslandi sem eru jafn „grand“ og „classy“ og Borgin.“

segir Helgi í ítarlegu viðtali í Fréttablaðinu í dag.

Helgi er ekki tilbúinn að segja til um hvort ítalskir réttir verði í forgrunni í sölum Borgarinnar en lofar að þar verði vandað til verka.
Mynd: facebook / Jamie’s Italian Icelandz