Hátíðarkvöldverður afgreiddur á pappadiskum

Árni Þór Arnórsson matreiðslumeistari.
Í dag elduðu matreiðslumeistararnir mat fyrir 4500 manns.

Í gær hófst formleg dagskrá hjá WorldChefs Without Borders þar sem 56 matreiðslumeistarar víðs vegar um allan heim láta gott að sér leiða í Myanmar, en þar ríkir mikil fátækt.

Matseðillinn á hátíðarkvöldverðinum

Dagskráin hófst með hátíðarkvöldverði á vegum WorldChefs þar sem 200 manns snæddu fimm rétta máltíð og var miðaverð 100 dali.

„Allir þátttakendur í túrnum sátu kvöldverðinn og var hann í öðru sniði en venjulegur hátíðarkvöldverður þar sem gestir fengu ekta Myanmar mat sem afgreiddur var á pappadiskum.“

Sagði Árni Þór Arnórsson matreiðslumeistari í samtali við veitingageirinn.is sem staðsettur er á Myanmar, en hann situr fyrir hönd Klúbbs Matreiðslumeistara í alþjóðanefnd WorldChefs og er fulltrúi þess fyrir Norður Evrópu.

„Þarna söfnuðust um 20 þúsund dollarar. Í dag byrjuðum við daginn snemma eða við lögðum af stað klukkan 05:30 í morgun frá hótelinu og komum til með að elda fyrir 4500 manns. Á morgun mánudag fara allir matreiðslumeistarar í siglingu þar sem við heimsækjum þrjú þorp og um 8000 máltíðir verða gefnar ásamt tösku handa börnum sem er full af skóladóti ásamt tannburstum sem ég fékk gefins frá OJ&k/Sælkeradreifingu.“

Myndir: aðsendar / Árni Þór