Hafsteinssynir fluttir til Tenerife – Keyptu íbúðahótelið Castle Harbour

Íbúðahótelið Castle Harbour á Tenerife

„Ég var farinn að hugsa mér til hreyfings og vildi gera eitthvað nýtt. Mér leist bara ekkert á markaðinn heima en þá hringdi Trausti bróðir og sagðist vera með hugmynd. Ég fór út og skoðaði málið, við gerðum tilboð og því var tekið,“

segir Níels Hafsteinsson framreiðslu-, og veitingamaður í samtali við Morgunblaðið.

Eigendahópurinn á glaðri stundu á Tenerife fyrir ári síðan, Trausti, Rún, Lára Gyða, Níels og Hafsteinn

Níels tók um síðustu mánaðamót við rekstri íbúðahótelsins Castle Harbour á Tenerife. Hann festi kaup á hótelinu ásamt tveimur bræðrum sínum, Trausta og Hilmari, samstarfsmanni þeirra Eyjólfi Gest Ingólfssyni matreiðslumanni og föður þeirra, Hafsteini Egilssyni framreiðslumeistara.

„Hann er svona mafíósinn,“

segir Níels um föður sinn í léttum dúr. Þeir hafa rekið veitingastaðina Rauða ljónið á Eiðistorgi og Steikhúsið í Tryggvagötu við góðan orðstír síðustu ár og mun yngsti bróðirinn, Hilmar, sjá um rekstur þeirra áfram.

„Jújú, þetta kostar auðvitað fullt af peningum. En viðskiptaáætlunin gerir ráð fyrir að ég muni á endanum græða eitthvað,“

segir Níels.

Íbúðahótelið Castle Harbour á Tenerife

Grein þessi var birt í heild sinni í Morgunblaðinu 31. okóber s.l.

Vídeó

Níels tók þetta myndband í hótelgarðinum nú í vikunni:

Heimasíða: www.tenerent.is

Myndir: facebook / Tenerent.is