Grillaður eftirréttur – Ferskju og berja pæ

Ég elska að grilla eftirrétti. Fá smá grillbragð með sætu og súru en þessi eftirréttur er akkúrat þannig í góðu jafnvægi. Svo er mjög sniðugt að nýta eldinn og hitann sem er búið að kveikja upp í til fulls. Mæli svo með að fá sér þeyttan rjóma eða vanilluís með þessu pæi.

Ferskju og berja pæ

Fyrir 8 manns

3 bollar frosin ber að eigin vali (ég notaði svona tilbúna blöndu af berjum)
4 stk ferskjur
Safinn og börkurinn af einni sítrónu
180 g sykur
Skerið ferskjurnar í báta og setjið í skál ásamt berjunum, sykrinum, sítrónusafanum og fínt röspuðum berkinum af sítrónununni. Setjð blönduna í steypujárnspönnu ef þið eigið eða bara álbakka eða eitthvað sem þolir vel hita.
120 g hveiti
2 msk sykur
2 tsk lyftiduft
Smá salt
110 g smjör
120 g súrmjólk
Litlir sykurpúðar

Aðferð:

Blandaðu saman þurrvörunum í skál. Skerðu kalt smjörið niður í kubba og hnoðaðu því saman við þurrvörurnar þar til úr verður svona mylsna. Bættu þá súrmjólkinni út í og blandaðu vel saman.

Dreifðu úr deiginu yfir berjablönduna. Bakaðu svo á grilli með lokinu yfir (eða inní ofni) í 20-30 mínútur. Bættu svo sykurpúðunum yfir í lokin og grillaðu áfram í nokkrar mínútur.

Hrefna Sætran hefur verið meðal fremstu matreiðslumanna landsins um árabil. Hún á og rekur Fiskmarkaðinn, Grillmarkaðinn og Skelfisksmarkaðinn og er eitt þekktasta nafnið í veitingahúsarekstri hérlendis. Hún hefur stýrt og framleitt sjónvarpsþætti á öllum helstu sjónvarpsstöðvum landsins og var meðlimur í, og keppti með, kokkalandsliðinu til fjölda ára.

Höfundur: Hrefna Sætran, matreiðslumeistari.

Mynd: facebook / Hrefna Sætran