Grétar Matthíasson vann gullið í Short Drinks

Grétar Matthíasson
Mynd: Tómas Kristjánsson

Íslandsmeistari barþjóna Grétar Matthíasson hreppti gullið á Heimsmeistaramóti Barþjóna í flokki short drinks.

Heimsmeistaramót Barþjóna var haldið í dag í Tallinn höfuðborg Eistlands og keppti Grétar með drykkinn Peach Perfekt, sem samanstendur af Finlandia vodka, peachtree, barbeito veremar reserva, giffard wild eldflower líkjör, lime safa og ferskju.

Þeir 6 barþjónar sem unnu til gullverðlauna í sínum flokki kepptu einnig í dag og var Grétar að sjálfsögðu einn af þeim. Úrslitin verða kynnt á morgun föstudaginn 5. október og þá kemur í ljós hver hreppir titilinn Heimsmeistari barþjóna 2018.

Bein útsending er frá keppninni hér.

Grétar er lærður matreiðslu-, framreiðslumaður og er rekstrarstjóri á Grillmarkaðinum.

Grétar fagnar hér sigrinum vel og innilega
Mynd: facebook / IBAz

Íslenski stuðningshópurinn í Tallinn
Mynd: Árni Gunnarsson

Peach Perfekt
Mynd: Tómas Kristjánsson

Vídeó