Gísli matreiðslumeistari tilnefndur til verðlaunanna Framúrskarandi ungir Íslendingar

Tíu framúrskarandi ungir Íslendingar eru tilnefndir til verðlaunanna Framúrskarandi ungir Íslendingar sem verða veitt á fimmtudaginn.

• Eva Brá Önnudóttir – Baráttukona í málefnum námsmanna
• Georg Lúðvíksson – Stofnandi Meniga
• Gísli Matthías Auðunsson – Matreiðslumeistari
• Helgi Sveinsson – Heimsmeistari í spjótkasti
• Katrín Tanja Davíðsdóttir – Heimsmeistari í crossfit
• Kristín Sveinsdóttir – Óperusöngkona
• Kristjana Ásbjörnsdóttir – Doktor í faraldsfræðum
• Rakel Garðarsdóttir – Hugsjónakona um umhverfismál
• Snædís Rán Hjartardóttir – Baráttukona um mannréttindi
• Ævar Þór Benediktsson – Leikari og vísindamaður

Verðlaunin eru árlega af Junior Chamber International (JCI Íslandi), eru fyrst og fremst hvatningarverðlaun til ungs fólks sem er að takast á við krefjandi og athyglisverð verkefni segir í tilkynningu sem að mbl.is birtir, en á hverju ári auglýsir JCI eftir tilnefningum og getur hver sem er tilnefnt framúrskarandi ungan Íslending. Sérstök dómnefnd fer síðan yfir tilnefningar og velur úr þrjá verðlaunahafa.

Dómnefndina í ár skipa þau Kjartan Hansson landsforseti JCI, Dr. Ari Kristinn Jónsson rektor Háskólans í Reykjavík, Katrín Jakobsdóttir formaður Vinstri grænna og Vilborg Arna Gissurardóttir ævintýrakona og pólfari.

Um Gísla:

Nafn: Gísli Matthías Auðunsson
Flokkur:  4. Störf/Afrek  á sviði menningar.

Þrátt  fyrir ungan aldur  hefur  Gísli ekki eingöngu sýnt hæfileika sína sem matreiðslumeistari, heldur hefur hann einnig sýnt fólki hvernig hægt sé að færa sígilda íslenska matargerð upp á hærra plan. Hann stofnaði og rekur veitingastaðina, Slippinn í Vestmannaeyjum og Mat & Drykk í Reykjavík. Báðir staðirnir byggja á Íslenskri matargerð og fékk sá síðarnefndi tilnefningu til hvatningarverðlauna fyrir það að nota heilan þorskhaus sem aðalrétt. Gísli er metnaðarfullur og vandvirkur, hæfileikaríkur og óhræddur við að fara ótroðnar leiðir.

 Nánari upplýsingar um þau tíu sem eru tilnefnd í ár.

Mynd: af facebook síðu: Framúrskarandi ungir Íslendingar.