Gestakokkar setja svip sinn á sumarið á Berunesi

Berunes við Berufjörð.
Sögufrægur staður sem hefur tekið á móti gestum í áratugi og sameinar menningu, mat og náttúrufegurð.

Berunes hefur í sumar verið sannkallaður vettvangur matarmenningar þar sem gestakokkar hafa skipst á að setja sinn svip á eldhúsið. Þar hefur verið boðið upp á fjölbreyttan og metnaðarfullan mat þar sem hágæða hráefni úr héraði hafa ráðið för.

Tomislav Kulic.
Þegar kaffið klárast, fær filterinn annað líf.

Nýverið lauk tímabilinu hjá gestakokkinum Tomislav Kulic sem þakkað er kærlega fyrir frábærar vikur og vel unnin störf í eldhúsinu. Við keflinu tekur nú Olivier Gruau frá Forréttabarnum, sem eldar í þessari viku ásamt Róberti Ólafssyni matreiðslumeistara og eiganda Forréttabarsins. Þeir leiða saman krafta sína í fjögurra rétta síbreytilegri veislu sem borin er fram öll kvöld fram að lokun.

Róbert á rætur að rekja til Berunes en hann ólst þar upp og tók sín fyrstu skref í eldhúsinu undir handleiðslu móður sinnar, Önnu, og ömmu sinnar, Sigríðar. Síðan hefur hann starfað í eldhúsum bæði á Íslandi og erlendis í yfir þrjá áratugi. Nú snýr hann aftur á bernskustöðvarnar og deilir ástríðu sinni fyrir matargerð með heimafólki og gestum.

Lokaveisla sumarsins fer fram sunnudaginn 7. september og er því um að gera að tryggja sér borð í tæka tíð. Á matseðlinum má finna hráefni úr héraði á borð við villibráð, lambakjöt, ber og ferskan þorsk. Verð fyrir fjögurra rétta kvöldverð er 7.650 krónur.

Borðapantanir fara fram á berunes.is.

Myndir: facebook / Berunes