Fullkomið meðlæti eða forréttur: stökkar kartöflur með sósu

Þessar stökku kartöflur henta ótrúlega vel sem meðlæti með mat eða einar sér sem forréttur eða partýréttur.

Innihald:

800 g kartöflur
1 dós sýrður rjómi 10% frá Gott í matinn
200 g rifinn gratínostur frá Gott í matinn
límóna
1 stk. vorlaukur
fersk steinselja eftir smekk
hvítlaukskrydd
ólífuolía

Aðferð:

Skref 1

• Sjóðið kartöflurnar í söltu vatni í 20 mínútur og færið yfir á tvær ofnplötur með bökunarpappír
• Skerið kartöflurnar í tvennt og hellið smá ólífuolíu yfir og kremjið þær með glasi. Það er sniðugt að setja smá olíu á botninn á glasinu, þá festist það síður við kartöflurnar.
• Reynið að hafa kartöflurnar þunnar, þá verða þær stökkari.

Skref 2

• Kryddið kartöflurnar með salti, pipar og hvítlaukskryddi.
• Setjið smá gratínost ofan á hverja kartöflu.
• Bakið kartöflurnar í ofni við 190°C í um 30 mínútur eða þar til osturinn verður gullinbrúnn.

Skref 3

• Á meðan kartöflurnar eru í ofninum er sósan búin til.
• Setjið sýrðan rjóma í skál ásamt safa úr einni límónu, salti, pipar og hvítlaukskryddi og blandið saman. Það má einnig nota ferskan hvítlauk fyrir sterkara hvítlauksbragð.
• Skerið vorlaukinn smátt steinseljunni og blandið saman við sósuna.
• Gott að geyma smá niðurskorna steinselju til að setja yfir kartöflurnar sem skraut í lokin.
• Berið sósuna orin fram með kartöflunum.

Höfundur: Helga Magga – gottimatinn.is