Framreiðslunemar í heimsókn á Edition og Uppi bar

Á UPPI bar

Nemendur í öðrum bekk framreiðslu við Hótel og matvælaskólann fóru nýverið í fræðandi vettvangsferð til Reykjavíkur þar sem þau kynntu sér starfsemi á tveimur þekktum veitinga- og gististöðum borgarinnar.

Á The Reykjavik Edition fengu þau hlýjar móttökur hjá Katrínu Sigurðardóttur, aðstoðarsölu­stjóra hótelsins. Hún tók nemendur í gegnum hinar fjölbreyttu aðstæður hótelsins, sýndi þeim sali, bari, heilsulind og herbergi og fór yfir hvað Edition-merkimiðinn stendur fyrir innan Marriot-keðjunnar, að því er fram kemur í Facebook-færslu Menntaskólans í Kópavogi.

Á The Reykjavik Edition

Eftir heimsóknina á Edition lá leiðin á Uppibar þar sem Styrmir Bjarki Smárason tók á móti hópnum. Styrmir er fyrrum framreiðslunemi í Hótel og matvælaskólanum sem hefur á síðustu árum aflað sér víðtækrar reynslu í fagsviðinu. Hann sagði frá starfinu á veitingastaðnum, framtíðaráformum og sinni eigin starfsreynslu, meðal annars frá hálfs árs dvöl á þriggja stjörnu Michelin veitingastaðnum Maaemo í Osló þar sem hann starfaði á fullum launum.

Ferðin var bæði hvetjandi og lærdómsrík fyrir nemendur sem fengu innsýn í faglega framreiðslu, þjónustu og metnað á hæsta stigi.

Á The Reykjavik Edition

Myndir: mk.is