Farið fram á nauðungarsölu á Hlemmi Square

Klaus Ortlieb

„Það er allt í góðu á Hlemmi Square og við erum spennt fyrir nýja árinu. Við erum í viðræðum við skattyfir­völd og höfum fengið greiðslufrest,“

segir Klaus Ortlieb, eigandi Hlemms Square, í samtali við mbl.is.

Greint var frá því fyrr í dag að ríkisskattstjóri hefði farið fram á að húsnæði Hlemms Square við Laugaveg 105 yrði boðið upp á nauðungarsölu vegna vangreiddra gjalda að fjárhæð um 47 milljónir króna.

Hlemmur Square er vinsæll veitingastaður og hótel og er t.a.m. með mjög góða einkunn á TripAdvisor

Auglýsing þess efnis birtist í Lögbirtingablaðinu í gær og samkvæmt henni á fyrirhugað nauðungarupp­boð að fara fram 6. febrúar, verði ekki búið að greiða skuldir við skattyfirvöld.

Klaus segir að nauðungarsalan muni ekki fara fram enda muni málið leysast fljótlega, að því er fram kemur á mbl.is sem fjallar nánar um málið hér.

Mynd: aðsend