Café Loki alltaf jafn vinsælt | Perla: „Óþarfi að breyta því sem vel gengur“

Perla Rúnarsdóttir

Kaffihúsið Loki á horni Lokastígs og Njarðargötu opnaði fyrir rúmum 10 árum síðan og hefur frá byrjun lagt mikla áherslu á gamlar hefðir í mat.

Sjá einnig: Loki íslenskt kaffihús

Á matseðlinum er margt frábrugðið en hjá mörgum öðrum kaffihúsum, þar sem Íslenskur matur og drykkir eru í hávegum höfð hjá Loka. Plokkfiskur, silungur, flatkaka, síld, íslenska kjötúpan, hangikjöt, sviðasulta er á meðal rétta á matseðli. Íslensku kaffidrykkirnir, sveitakaffi (kaffi og brennivín), prestakaffi (kaffi og brennivín með rjóma og púðursykri), svo fátt eitt sé nefnt.

Café Loki er staðsett við Lokastíg 28 í Reykjavík

1. janúar 2018 urðu eigendaskipti á Loka, en þá höfðu þau Hrönn Vilhelmsdóttir og Þórólfur Antonsson rekið staðinn í 9 ár. Nýju eigendur eru Perla Rúnarsdóttir, Bjarni Björnsson og Valdimar Hilmarsson.

„Nei óþarfi að breyta því sem vel gengur.“

Sagði Perla í samtali við veitingageirinn.is aðspurð um hvort einhverjar áherslubreytingar voru gerðar við eigendaskiptin.

Kaffihúsið Loki er opið alla daga frá 08:00 til 22:00. Jólaopnunin verður 24. desember frá 08:00 til 18:00, 25. desember frá 10:00 til 22:00 og 1. janúar 2019 frá 10:00 til 22:00.

Matseðillinn

Myndir: aðsendar