Bjarni Siguróli og Gunnar Karl gestakokkar í Noregi | Þú vilt ekki missa af þessu

Veitingastaðurinn Spiseriet er staðsettur í tónlistarhúsinu í Stavanger.
Mynd: stavanger-konserthus.no

Sigurður Rúnar Ragnarsson og Guðrún Eyjólfsdóttir.
Mynd: úr einkasafni

Veitingahúsið Spiseriet í Stavanger er rekið af íslenskum fagmönnum þeim hjónum Sigurði Rúnari Ragnarsyni matreiðslumanni og Guðrúnu Eyjólfsdóttir framreiðslumanni. Sigurður hefur verið framkvæmdastjóri Spiseriet síðan í janúar 2017 og Guðrún veitingastjóri.

„Það hefur verið draumur að fá einhverja af allra bestu matreiðslumönnum Íslands í heimsókn til mín til Stavanger, og nú er það heldur betur að gerast.“

Sagði Sigurður í samtali við veitingageirinn.is

Bjarni Siguróli Jakobsson

Bjarni Siguróli Jakobsson.
Mynd: Sigurjón Ragnar Sigurjónsson

Í september mun Bjarni Siguróli Jakobsson verða gestakokkur á Spiseriet í tónlistarhúsinu í Stavanger, n.t. 14. september 2018.

Eins og kunnugt er þá keppir Bjarni fyrir Íslands hönd í forkeppni Bocuse d´Or í Turin, Ítalíu.

Bjarni í samvinnu við kokkana í Spiseriet mun bjóða upp á glæsilegan 5 rétta matseðil og honum til aðstoðar er Ísak Darri sem er einmitt aðstoðarmaður Bjarna í Bocuse d´Or keppninni.

Matseðillinn, sem er enn í vinnslu, mun innihalda norskt og íslenskt hráefni, eins og hörpuskel, söl, wasabirót og súkkulaði frá Omnom svo fátt eitt sé nefnt:

Snacks Indulging bites and aroma from Icelandic seashore and mountains

Icelandic brown scallop with löjrom, smoked eggs, crispy salsify, ramson capers, apple vinegar and scallop soya with brown butter

Steamed cod in whey butter with black garlic, fermented potatoes, porcini mushrooms and lovage

Grilled veal/lamb ribeye with wasabi glazed summer cabbage, “havgus” cheese, butterfried sunchokes  and arctic thyme jus

Birch bark and smoked strawberries

Frozen créme fraiche with omnom cacao nibs, blackberries,  bloody caramel and liquorice

Gunnar Karl Gíslason

Gunnar Karl Gíslason.
Mynd: Hinrik Carl

Michelin kokkurinn Gunnar Karl Gíslason á Agern í New York og forsprakki Dill Restaurant verður gestakokkur á Spiseriet dagana 20. og 21. júní 2018.

Gunnar Karl verður einnig gestakokkur á Matarhátíðinni Gladmat í Stavanger í sumar.  Gunnar mun halda fyrirlestur á opnunarhátíðinni Kokepunkt, þar sem margir heimsþekktir matreiðslumenn hafa áður komið fram.  Þar má nefna menn eins og Dario Cecchini, Eyvind Hellstrøm, Esben Holmboe Bang frá Maaemo, Heidi Bjerkan frá Vippa og Mikkel Shafi frá Kokkeriet, Gordon Ramsay og meistarinn Siggi Hall.

Gladmat hátíðin er haldin árlega og eru um það bil 250.000 gestir sem heimsækja hátíðina yfir þá fjóra daga sem hún er haldin.

„Ég, Bjarni og Gunnar vorum einmitt að starfa saman á VOX, Bjarni var nemi, Gunnar yfirkokkur og ég sous chef. Guðrún Hildur, konan mín, sem er veitingastjóri í Spiseriet, og Karólína Ómarsdóttir einn af yfirþjónunum eru líka gamlir VOXarar. Það væri enn skemmtilegra, ef fleiri gætu gert sér ferð til Stavanger og verið með.“

Sagði Sigurður hress.  Það verða því skemmtilegir VOX, endurfundir í Stavanger í sumar og haust.

Þú vilt ekki missa af þessu

Kokkarnir á Spiseriet í tónlistarhúsinu í Stavanger.
Mynd: stavanger-konserthus.no

Hægt er að bóka borð á kvöldverð hjá Bjarna á heimasíðunni www.spiseriet.no.  Miðar á kvöldverðinn með Gunnari Karli 22. og 23. júní eru ekki komnir í sölu, en hægt er að panta í forsölu með að senda tölvupóst á Sigurð á netfangið: [email protected]