Big Papas með ódýrustu pizzu Margarita

Nú á dögunum gerði Neytendasamtökin smákönnun á verði á 12” pizzu með engu áleggi (Margarita). Um 66% verðmunur er á milli hæsta og lægsta verðs.  Neytendasamtökin könnuðu verð á sömu vöru fyrir ári síðan og verðbreytingar eru óverulegar hjá flestum seljendum. 

Vert er að taka fram að ekki er tekið tillit til gæða enda eru neytendur með ólíkan smekk þegar kemur að þessari vöru.

Big Papas kom best út í könnunni eða með verðið 790 krónur á móti var Domino’s Pizza með hæsta verðið eða 1.310 kr. á pizza Margarita.

Upplýsingar um verð voru fengnar í gegnum síma eða á heimasíðu fyrirtækja, en smákannanir sem þessar eru ekki alltaf tæmandi, heldur gefa þær hugmyndir um markaðinn.

Vefsíða Neytendasamtakanna

/Smári