Bera ráðamenn enga virðingu fyrir iðnmenntun?

Í tilkynningu frá yfirmatreiðslumanni Nauthóls kemur fram að útlendingastofnun hefur vísað Chuong Le Bui matreiðslunema úr landi, en hún hefur stundað fræðin sín á Nauthól og er hálfnuð með lögbundinn samning. Ástæðan brottvísunar er sú að í byrjun árs var iðnmenntun felld úr lögum sem ástæða fyrir námsmannadvalarleyfi, svo hún hefur ekki lengur landvistarleyfi sem námsmaður.

Athygli vekur að Iðan sem gefur út námssamninga fékk frumvarpið ekki til umsagnar.

Bera ráðamenn enga virðingu fyrir iðnmenntun?

Ætli þeir væru til í að sleppa þessari þjónustu hér eftir:

Þjónusta á veitingastöðum
Þjónusta í bakaríum
Þjónusta rafiðnaðarmanna
Þjónusta pípulagningarmanna
Þjónusta kjötiðnaðarmanna
Þjónusta hársnyrtifólks
eða hinna rúmlega 50 iðngreina.

Hvað finnst ykkur?

Deilið endilega og segið skoðun ykkar.

Smári Valtýr Sæbjörnsson, matreiðslumaður