Bananabrauð – Uppskrift

Bananabrauð

Tvö bananabrauð

3 egg
3 bananar ( vel þroskaðir )
90 gr smjör ( ég nota íslenskt smjör )
3 dl strásykur
5 dl hveiti
1 tsk vanilludropar
1/3 dl mjólk
2 tsk lyftiduft

Stífþeyttið eggin og sykurinn. Bræðið smjörið (þarf ekki að vera heitt), setjið mjólkina og vanillu út í.

Merjið bananana með gaffli.

Blandið hveitinu og lyftiduftinu saman og hrærið því rólega saman við stífþeyttu eggin og sykurinn með t.d. sleif og bætið bananamaukinu þar út í. Hellið smjörinu-, vanillu,- og mjólkurblöndunni rólega út í og hrærið með sleif.

Hellið í form og bakið í ofni við 180c með blæstri í ca. 45-50 mínútur.

Til að athuga hvort brauðið sé tilbúið, stingið þá prjóni eða mjóum hníf í brauðið. Ef hann kemur hreinn út, þá er bananabrauðið tilbúið.

Smári Valtýr Sæbjörnsson

Myndir: Smári Valtýr Sæbjörnsson, matreiðslumaður /Veitingageirinn.is